O.l.v. dirigente Carina Corbeek rippeteert Doeën Beejein iddere maondaagaovend in Café Feestzaal Boostenhof, Heymansstraat 125 in Venlo (Boekend). 't Rippertoire besteit haufzakelik oét film- en popmeziék en zal óg haos allemaol bekind in de oére klinke. De meistal kwante, maar auk smeis ontreurende tekste zien allemaol in 't ónvervals Venloos dialèk: vreej vertaald of met ein kompleet niej thema. Daorum is Doeën Beejein erg verrassend!

Nummers as o.a.: 'Mister Blue Sky' van ELO, 'Fore Once in you Life' van Stevie Wonder, 'Is she really going out with Him' van Joe Jackson, Happy Together van The Turtles en 'May it be' van Enya, hebbe titels as resp.: 'De's Vakansie', 'Ens in dien Laeve', 'Oét met dae', 'Doeën Beejein'.  Dees tekste zien veurnamelik geschreve door Peter Jansen (bekind van 't vastelaovesduo Jansen en Janssen), maar auk Han Wingbermühle en Marc Peters, beide tenore beej Doeën Beejein, hebbe heej aan eur beejdrage geleverd. Ein deil van ós moeëje arrangemente zien van de hand van ós eige dirigente Carina Corbeek.